АК-ДОВУРАК ХООРАЙГА ЭЗИРИКТЕР СЕРГЕДИР ЧЕРНИ КАТАП АЖЫДАР
"СЕРЕМЧИЛЕЛДЕ ХОРАМЧА ЧОК"
«Боттары дүжүрүп, үрегдээш, катап кылган ажыы чүл?» дээн чижектиг комментарийлер социал четкиде үнүп турары элдеп. Ук черниӊ чагырга ажылындан эвес, а федералдыг кызырылданыӊ (сокращение) түӊнелин ол айтырыгга харыы кылдыр тайылбырлаар-дыр бис.
Ак-Довурак хоорай Чагыргазының кидин-түлүк чоруткан ажылының түңнелинде, эзириктер сергедир черниң катап тургустунуушкунун ТР-ниң Чазаа деткип, акшаландырыышкын айтырыын шиитпирлээр болган.
«Вытрезвительже» кирген кижиге административтиг торгаал онаап, улуг хайгааралга 15 хонук дургузунда хоорай иштин аштадып, аар-саар ажылдарны кылдырар. А бир эвес ажылдап турар кижи ынаар кирер болза, ажылынче дораан протокол биле чагааны дамчыдар.