ЧУРАГАЙЛЫГ ТЕЛЕВИДЕНИЕЖЕ ШИЛЧИИРИНГЕ БЕЛЕН
Россия январь 1-ден эгелеп чурагайлыг телевидениеже шилчип эгелээн. Бистиң Тыва Республика июнь 3-те бүгү чурт-биле бир деңге чурагайлыг теле-дамчыдылгаже шилчиир. Чурагайлыг эфирлиг ТВ-же шилчип кирериниң дугайында чон ортузунда тайылбыр ажылын ТР-ниң радио, телевидение дамчыдар төвү (РТПЦ), ТР-ниң Информатизация болгаш харылзаа яамызы баш бурунгаар чоруткан.
Амгы үениң телевизорларын чурагайлыг сигналдар-биле ажылдаарынга таарыштыр кылган. Эрги шагның телевизорларынга чурагайлыг каналдар көөр приставканы (немелде херекселди) кожуп алырга, 20 каналды хүлээп ап эгелей бээр. Тывада ооң өртээ 899 рубль.